新股國際配售啟示

文章:https://www.patreon.com/posts/guo-ji-pei-shou-41718105

1. 機構投資者爭崩頭的都是一些大家一看就知道機構必會有興趣配置的,又或者市場稀缺的品種,可以自己嘗試去判斷下。至於而家IPO,集資額要有幾億美元以上的,才算中、大型。

2. 中概回歸股而家好多玩法,以前係公佈消息時買定美股,博港股上市炒上帶動;近期一些牌面較弱的,就掉轉玩法,公佈消息後沽空美股, 然後認購港股,博折讓較大以吸引機構投資者認購,做低風險套利。近來2隻中概股,國配認購的都是對沖基金為主,目的是做港美價差的套利。

3. 福祿最大承配人得13.93%,係咪代表莊家/基金唔想要太多貨?
如果唔係太大隻的,而最大承配人得1成多的,往往都是貨分得比較散的象徵。

4. 為甚麼海吉亞可以超過100%?
Green shoe的貨都派埋比頭10大的,所以事後睇返其實6078係派得超級集中,以後再見到呢種情況要特別關注。

5. 呢個基本上事後先知,咁入飛前係咪睇基石,拎多過幾多%先叫睇好?30%以上?
係,入飛前可以看基石攞幾多成貨, 從基石的往績及攞貨多少去判斷值博率。當然,分配通告出左後,也可以作為出入的參考數據之一,不過凡事有例外的,例如移卡我就是看到這數據而在暗盤買入,結果估唔到暗盤及上市第一日表現咁差,被佢嚇走左。

6. 福禄今早上的走势,大家怎看?
國配少long funds入飛,反映一般long funds對佢興趣一般,故此貨分得比較散,尤其係散戶分左幾多貨,要留意有冇大戶在上市後收集。

7. 另外,大家會見到福祿指:根據國際發售初步提呈發售的發售股份已獲大幅超額認購約13.73倍。
13.73倍係好爆的反應,但點解股權集中度咁差?國配其實並不是大家想像中咁簡單,唔係單看超額數據就可以判斷好壞,分派集中度是一個指標,分派比乜人也是一個指標,當然後者佢地唔會披露,只能看看Book color及朋友間各自核証,才能推敲到大概情況。幸好股權集中度是一個不錯的指標,來緊大家可以看看會否又有好像福祿一樣,國配超額好爆但又分得散的個案。
國配的情況其實好複雜, 網友常問要落幾多先可以分到貨、中籤率幾多,其實都係冇準則的,就好似農夫山泉我就算篤手指落幾千萬元的認購額,也會一股都分唔到,明源云也是,都是乖乖地在公開發售落飛。但為何福祿、泰格可以分到貨,樂享也有機會分到貨?目前好多IPO運行中,為免影響很多人的利益,等事過境遷再補返篇文章分析。

8. 其實主要都係睇基石投資者係邊個同埋拎咗幾多貨最重要?國配都可以係只做一日股東,係暗盤或者第一日都可以沽霖個價。
所以國配要睇業界人士常說的book color,會大致講分配比什麼人為主,例如是long funds、hedge funds或者HNWI (High-Net-Worth Individual,即是我們常說的PI),很多時候long funds會比較中長線持有,所以如果佢地有興趣入飛、而且分得貨多,代表市場流通量會減少,容易炒上;但如果分好多比HF及HNWI,而呢類投資者通常係價高即出,所以會被視為book color唔靚。但我聽業內朋友講,其實而家有些long funds都會參與熱門IPO短炒,有些新股佢地未必有興趣中長線持有的,但市場熱度有,佢地也會申請,攞左貨後如股價炒高也即沽食糊,賺個快錢。

   

共有 0 條評論

發佈留言

發佈留言必須填寫的電子郵件地址不會公開。 必填欄位標示為 *